Okay lang ako, Ma

“Kumusta ka na?”

“Ma, ang saya pala mag-aral sa Unibersidad na ‘to”

“Ma, grabe dito na ako nag-aaral sa dating pinapangarap ko lang”

“Ma, napapatunayan ko nang tama ang kinuha kong kurso!”

“Ma, padami na nang padami ang pinagawa ng mga propesor ko…”

“Ma, fast food na naman kinain ko ma”

“Ma, namimiss ko na po yung mga lutong-bahay mo, lalo na ang paborito kong tortang talong”

“Ma, kulang tulog ko ma. Gusto kong sabihan mo ko na “”o sige na, matulog ka muna””

“Ma, may nakalimutan ako gawin kanina”

“Ma, miss ko na yung dating maya’t maya mong mga paalala”

“Ma, na-late na naman ako kanina”

“Ma, miss ko na yung dating paggising mo sa akin tuwing umaga”

“Ma, napapagod na po ako”

“Ma, mahirap pala mag-isa”

“Ma, pagod na po ako”

“Ma, kailangan na kita sa tabi ko; kailangan na kita dito”

“Ma, nanghihina po ako gusto ko mahiga sa braso mo”

“Ma, nakakapagod pala ang kolehiyo, ano?”

“Ma…”

“Ma, para sa’yo ‘to. Nakakapagod, oo—pero kakayanin ko—kayayanin ko kasi alam ko naniniwala ka na kaya ko”

“Ma, alam ko namimiss mo na rin ako”

“Ma, alam ko miss mo na yung bigla akong susulpot para yumakap sa likod mo”

“Ma, namimiss ko na ihiga ang ulo ko sa hita mo”

“Ma, nakakamiss din pala machine gun mong bibig tuwing umaga”

“Ma, miss na miss na miss na miss na talaga kita eh”

Ang dami—Ang dami kong gustong sabihin

Mga damdamin at mga saloobin

Pero hindi ko masabi ang lahat ng ito kaya’t

Ipapaloob ko na lamang lahat sa isang

“Okay lang ako, Ma.”

Natatakot kasi ako na baka mag-alala ka

Natatakot kasi ako na baka sa sobrang dami kong gustong sabihin

Bigla ka antukin kasi sobrang haba na

Natatakot kasi ako na baka

Biglang sumabog ang iyak

Na pilit kong tinatago habang

Nakikinig sa boses mo

Habang nagkukuwento tungkol sa araw-araw mo habang wala ako

Ayokong isipin mong mahina ako, Ma

Ayokong isip mong hindi ko talaga kaya

Para sa’yo Ma kakayin ko pa

Kahit minsan parang hindi na

“Kumusta ka naman diyan?”

“Ito Ma, okay naman…”

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s