Mga Panaginip

Nitong nakaraang linggo nasa mga panaginip kita. Ewan ko. Basta nandun ka lang parati. Para kang isang talent na masugid na umeextra sa bawat pelikula. Pinapatos lahat ng raket kung saan pwede kang um-extra. Para bang naghihintay na makakuha ng big role. Yun nga lang, extra ka pa rin talaga. Wala e. Wala ka naman talaga ginagawa sa panaginip ko. Kasi sa mga panaginip kong yun, nasa ibang tao ang buong atensyon ko. Hindi nakasentro sayo ang mga panaginip ko. Pero nakikita kita. Napapalingon ako sayo. Nagkakatinginan tayo. Pero hanggang dun lang. Yun na yun. Hindi naman talaga ako madalas managinip. Kaya nga nagkakapagtaka kung bakit napadalas akong managinip nitong nakaraang lingo e. Kaso ayun na nga, biglang huminto na naman ang mga panaginip ko. Pero ang hiwaga kung bakit nang napadalas akong managinip ay nandoon ka – nandun pa rin; iniisip ko pa rin.